شەهیدی ڕێگای ئازادی کوردستان محەممەد حاجی ڕەسووڵپوور، تەمەن ٥٧ ساڵ، خەڵکی شاری بۆکان، زیندانی سیاسیی پێشوو، بۆ جاری دووهەم لە ڕۆژی ٢ی سەرماوەز دا لە لایەن رژێمەوە دەگیرێ و لە گرتووخانەدا بە هۆی لێدان و ئەشکەنجە و ئازاری تیرۆریستانی رژێمی ئیسلامی ئێران تووشی ناسازی جەستەیی دەبێ و لە ڕۆژی ٢٢ی سەرماوەز دا بە دانانی زەمانەتی ٥٠٠ میلیۆن تمەنی بۆ چارەسەر دەبردرێتە نەخۆشخانەی شاری بۆکان و دوای چەند ڕۆژ مانەوە لە کۆما دا لە ڕێکەوتی ٢٨ی سەرماوەزی ۱۴۰۱ ی هەتاویدا شەهید بوو.
شەهید محەممەد ساڵانی پێشوو بە تاوانی سیاسیی بوون ماوەیەکی زۆر لە بەندیخانە دا بوو، لە شۆڕشی ژینا دا لە مانگی ڕەزبەر دا، جاریکی دیکە دەگیرێ و دوای چەند ڕۆژ ئازاد دەکرێ و دواتر لە مانگی سەرماوەز دا دیسان لە لایەن رژێمی تیرۆریستپەروەری کۆماری پەت و سێدارە دەگیرێ و بە دڕندانەترین شێوە ئازار و ئەشکەنجە دەکرێ و دواتر شەهید دەبێ. لە گۆڕستانی ئاڵیکەندی بۆکان بە خاکسپێردرا.
بەرنامەی سوورخەڵاتان، تایبەتە بە شەهیدی ڕێگەی ئازادی، شەهید محەممەد حاجیڕەسووڵپوور، خەڵکی بۆکان
