شەهیدی ڕێگای ئازادی کوردستان کاروان قادر شوکری، تەمەن ١٦ ساڵ، کوڕی ئیدریس، خەڵکی شاری پیرانشار، بە هۆی تەقەی ڕاستەوخۆی تیرۆریستانی رژێمی ئیسلامی ئێران لە ڕێکەوتی ٢٩ی خەزەڵوەری ۱۴۰۱ ی هەتاوی شەهید بوو.
لە کاتی بە خاکسپاردن دا باوکی شەهید کاروان لە چەند وتەیەک دا گووتی: بە هۆی خۆشەویستی و ئەمەگدارای بە شەهیدان و بە بەرنامەی کاروانی شەهیدان، کوڕەکەم ناو لێنا کاروان و ئەمرۆ کورە شەهیدەکەم پێشکەش بە کاروانی شەهیدانی کوردستانی دەکەم و شانازی بە شەهید بوونیەوە دەکەم و پێی سەربەرزم.
وتەکانی خاتو ئەفسانە، دایکی شەهید کاروان قادرشوکری لە چلەی شەهید بوونی جگەرگۆشەکەی دا، وتەکان هەڵگرتی بیرێکی خاوێنی نەتەوەیی و بوێری و چاونەترسی بوو، وتەکانی هەڵگری پەیامی درێژەدانی ڕێگای شەهیدەکان بوو.