شەهیدی ڕێگای ئازادی کوردستان ئومید حوسێنی تەمەن ٢٢ ساڵ ، خەڵکی پایگەلان، سنە ، بە هۆی تەقەی ڕاستەوخۆی تیرۆریستانی رژێمی ئیسلامی ئێران لە ڕێکەوتی ٢٧ ی خەزەڵوەر ۱۴۰۱ ی هەتاوی شەهید بوو. شەوی هەینی٢٧ی خەزەڵوەر ئومید حوسێنی، تەمەن ٢٢ ساڵ خەڵکی پایگەلان لە سنە لەژێر ئەشکەنجەی بێ‌بەزەییانەی هێزە تێرۆریستییەکانی سوپای پاسدارن دا شەهید بوو. شەهید ئومید لە پایگای "تووس نەوزەر" لە شاری سنە لەژێر ئەشکەنجەی هێزەکانی ڕێژیمدا شەهید بووە.
تیروریستانی سەر بە خامنەیی کاتێک ئومید شەهید دەکەن، لە ترسی شۆڕش و راپەرینی خەڵک و بۆ شاردنەوەی کارە دزێو پڕ لە جینایەکانیان هەر بە شەو و بە نهێنی لە گۆڕستانی بەهەشت محەممەدی دەینێژن و دواتر بنەماڵەکەی دەخەنە ژێر گوشارەوە و هەڕەشەیان لێدەکەن کە نابێت ئەو ڕووداوە و ئەو جئنایەتە لەگەڵ خەڵک و مێدیا باس بکەن.
