حیزب ” یان” خەڵک، لە پێشەوە پێشەنگە!!حەسەن پاڵانی

ڕووداوەکان چیمان پێدەڵێن و چیمان بۆ دەگێڕنەوە، لە پێناسەی گشتی حیزبی شۆرشگێرو خاوەن پێگەو جێگەی کۆمەڵانی هەراوی خەڵک، هێزو دینەمۆی داهێنەرانەی حیزب و ڕێکخراو چەند هەنگاو لەپێشەوی خەڵکە. چوون هەر حیزب و ڕێکخراوێکی تایبەتمەند، سەر بە هەر ڕێچکەو ڕێبازێکی ئیدولووژیکی یان نەتەوەییبێت، دەبێت هەم پابەندی هێندێک بنەماو ڕیکاری ڕێکخراوی و تشکیلاتی بێت و هەم بنەما فکری و زەهنی و ئیدەو ئیدە لیبرالیەکانی لە چووارچێوەیەکی گشتی و نەتەوی فورموولە بکات و کاری بەردەوام ومدەوام، بکاتە پیشەی سیستماتیکی خۆی.
هەر ڕێکخراو سازمانێک ئەگەر نەتوانێت” لە ئەنجامی عەمەلی ئەنجام شوودە” پێشبینی و قۆزتنەوەی هەلوومەرجی لە بار، چ مەکانی و چ زەمانی بۆ خۆی و خەڵکەکی پێشبینی نکردبێت و تارادەیەکی گوونجاو “خەڵک و مەکان و زەمان” ی بۆ لەبەر چاونەگرتبێت، نەک لە پێشەوەی خەڵکەکەیەتی بەڵک و لە پاشەوەیەتی. یەکێک لەو پێوەرو سەنگی لە مەحک دان و لە بێژنگ دانی ڕێکخراوەکان، بوونی چەند ڕێکارێکی تاکتیکی و گوونجاوە بۆنزیک بوونەوە لە ستراتیژیە نەتەوەی و بە هانەوە هاتنی خەڵککەی و خەستنە سەر ڕێچکەو سکەی درووستی ئەو حەرەکەتەی کە لە ئامانجی بۆ لەبەرچاوگرتووە. بەڵام لێرەداو بە ووردبوونەوە لەساختارو ناوەرۆکی سیاسی و مەبدەدارانەی هەر ڕێکخراوێک، بە هەر سەبک و میتوودی کارکردنەوە، دەمان هێنێتە سەر ئەو واقعەسیاسە کە ڕێکخراوەکانی رۆژهەڵاتی کوردوستان لە دەوری بازنەیەکی بازنەدراوی ڕێکخراوەیدا دەجووڵێنەوە، ئەوەندەی سەرقاڵی باس و بابەتەلاوەکیەکانن، ئەوەندە بەپێی پلان وستراتیژیەتی کارکردنەوەنیین. ڕێکخراوەکانی کوردوستانی رۆژهەڵات ئەوەندە تووند خۆیان متک داوە تا شەپۆل وهەلوومەرجی لەباریان بۆ بەرەخسێ و ئەنجا، ئەمانیش هەم بیکەنە دەستەچیلەی دەسکەووتی خۆیان و هەم هەر حیزبەو بەهەواو ئارەزوی خۆی تیئووری سێنی بۆ بکات.
یەکیک لە هەرە فاکتۆرە بنچینەیەکانی”حیزب و خەلک، خەڵک و حیزب” بوونی پێوەندی فیزیکی ئەو پێوەندییە ئوورگانییکێیە زیندوو دەماو دەمییە کە هەم حیزب، زیندووڕادەگرێ وەهەم ئووتماتیکیەن بەرگی نێوکاری و نێوسازی و نێوبوونەوە لە بەری دەکات، بەڵام نەک ڕێکخراوەکانی ڕژهەڵات ئەو دابرانەیان، پێچەوانەی هیواو ئارەزوەکانی خۆیان بەنسیب بووە، بەڵکو بووەتە کاڵایەکی بەقەدباڵای هێزەکانی رۆژهەڵات وجێی خۆی گرتوە. یەکیک لە هەرە وتەبەنرخەکانی شەهیدی مەزن دکتۆر قاسملووی ڕێبەر، دەڵێت مانەوەی” ڕێکخراو وڕێخستن، زیندووی و زندویەتی، پایەداری وپایەدارمانەوە، نێوو نێوبوونەوە لە گرەوی خەڵکی بوون وبەخەڵکی مانەوەی هەر ڕێکخراوێکی شۆڕشگێرە”. بۆیە هەرئەندازە دووری و مەوودای نێوان خەڵک و ڕێکخراو دووربێت، هەر بەو ئەندازە، لە خەڵک ناسی وکۆمەڵناسی خۆت لە داڕشتنەوەی ڕێچکەو رێبازە نەتەوەی ومێژویەکاندا تووشی جۆرێک لەوەم، خۆشخەیاڵی وئەنتیتێزی کۆمەڵانی خەڵکی دەبیت. ئێستا نەک حیزب و خەڵک لە یەکدابراون، بەڵکوو حیزب لەناخی خۆی، لە رەفتارو کرداری خۆی، دواتر لەگەڵ خۆی و دوادواتریش، هەر ڕێکخراوەیەک( ناڵێم بەپێی بەرنامەو ئەجیندای خۆی نەچێتە پێشێ) سوواری سەرکێشی خۆی بووەو لە هەواو هەوەسی پەرتەوازەیی خۆیدا دەژێت و دووبەش و چەندبەشیان کردووە بە نەریەتی مانەوەی سیاسەتی ڕێکخراوەی خۆیان.
ئابەم حاڵە دەپرسرێت ئایا خەڵک لەپێشە یان حیزب؟! کۆی رووداوەکانی دووێنێ و ئەم چەند ساڵەی دووای سەلمێنەری ئەو راستییەن، خەڵک عەمەلەن بیر و هەڵوێست وەردەگرن، نەک چاوەروانی دەرگای راگەیەندرای ئەم حیزب یان ئەو ڕێکخراو بکەن. حیزب کاتێک دەتوانێ کۆی میدان و کاییە سیاسیەکان لە خۆی قەبزە بکات و بیخاتە ژێر ڕکێفی خۆییەوە، یەکەم بۆ خرۆشانێکی خەڵکی بەرنامەو ئەجیندای لەپێشدا دارژراوی هەبێت بە هاوکاری و هاودەنگی و هاوپشت بوونی باقی ڕێکخراوەکانی تری حزوور لە مەیدان( بە واتایەکی تر گیانی هەرموونی لە زەهنیەت وکرداردا زییندوو راگرتبێت) ئەوکات دەتوانێ دینەمۆ و هێزی وەروژێنەری کۆمەڵانی هەراوی خەڵک بن. دووەم ئاشتەوایی ڕێکخراوەی و ئاشتەوای نیوان هەموو هێزو ڕێکخراوە لەێک جیابووەکان، مەرجی سەرکی و پێوەری ڕێخۆشکەری شان بەشانی کۆمەڵانی خەڵک و خوودی ڕێکخراو لە گەڵ خۆی و هاوپیمانی هێزو حیزبەکانی تر هەرچی زووتر و سەریعتر هەر پرۆسەیک بتهەوێ سواری شەپۆلەکانی ببیت و چۆن بتهەوێت هیدایەت و فەرمان بەرداری بکەیت، ئەو کاتەیە، دەتوانی نەک بەئەم پرشوو بەڵاوی نێوان خوودی خۆ و دوور مەوودای نیوان باقی هیزو رێکخراوەکانی ترو دووری لە کۆمەڵانی خەڵک.
حەسەن پاڵانی