خاكیپۆشی لە رۆژهەڵاتی كوردستان ، كەی برەوی پەیدا كردو ، نەشعەت و سەرچاوەكەی چی بوو؟
خاكیپۆشی لە رۆژهەڵاتی كوردستان ، كەی برەوی پەیدا كردو ، نەشعەت و سەرچاوەكەی چی بوو؟
دوای سەركەوتنی شۆڕشی گەلانی ئێران ، حیزبە سیاسی و نیزامیەكانی كوردستان كە هاتنە نێو مەیدانی ئاشكرای سیاسی و نیزامی ، هیچ هێزیكی سیاسی و نیزامیان لە كوردستان دا ، بەر چاو نەكەوتن كە كادر و پێشمەرگەو لایەنگرانیان رەنگی بەرگ و لیباسی بەریان یەك رەنگ و یەك شێوە بێت.
لە گەڵ رێز و حورمەتی تایبەتیم بۆ گشت بەرگی پیرۆزی پێشمەرگایەتی هەموو ئەو لایەنە نیزامی و سیاسیانەی رۆژهەڵاتی كوردستان كە بە دژی رێژیمی خومەینی جەنگاون ، دەبێ پێ لەو راستی بنێین كە یەكەم هێزی خاكیپۆش، دوای سەركەوتنی شۆڕشی 1357، هیزی پێشمەرگەی حیزبی دێموكراتی كوردستان بوو كە ئەو خاكپۆشیەیی ئێستای خەڵكی رۆژهەڵاتی كوردستان، نەشعەت و سەرچاوە گرتوو لە بەركی خاكی پێشمەرگەكانی دێموكراتە، نموونەش ئەو چەند دێڕەی خوارەوەیە
لە ساڵەكانی 1358 تا 1363 بەرگی پیرۆزی پێشمەرگایەتی گشت حیزبەكانی كوردستانی وەك رەنگی چوار فەسڵەكانی ساڵ ، شین و زەرد وسپی و تێكەڵ پێكەڵ بوون.
لە سەرەتای ساڵی 1362 ی هەتاوی دا، حیزبی دێموكراتی كوردستان ، لە سەربیرو فكری سەركردەی نەمر شەهید دوكتور قاسملوو، كە پێی وابوو دەبێ هێزی پێشمەرگەی حیزبی دێموكراتی كوردستان خاكیپۆش و شێوە نیزامی تایبەت بە خۆیی و كوردستانی هەبێ، پۆشینی بەرگی خاكی لە نێو گشت هێزی پێشمەرگەی دێموكرات دا، لە نێو بنكەكان و لە نێو خۆی خەڵكی كوردستان دا ، بووە رەسمی و ئیجباری و، هێزی پێشمەرگە شێوەی نیزامی بە خۆوەگرت.
ساڵی 1363، خاكیپۆشی لە نێو گشت هێزی پێشمەرگەی حیزبی دێموكراتی كوردستان دا، بە تەواوی رەسمییەتی پەیدا كردو بەرگی خاكی پێشمەرگەكانی دێموكرات لە نێو گشت خەڵكی كوردستان دا بوو بە سمبوولی خۆشەویستی و ، رەنگی خاكی بەرگی پێشمەرگەی دێموكرات لە نێو كچ و كوڕانی كوردستان دا ، بوو بە سەرچاوەی خاكیپۆشی.
بۆ ئەم راستیە سەدان نموونەمان هەیە، كە یەكیان ئەوەیە كە لە سەرتاسەری كوردستاندا، لە هەر كوێیەك پێشمەرگەیەك دەبیندرا، خەڵكان دەیانگوت: ئەوە پێشمەرگەی دێموكراتە، و بە خاكیپۆشیەكەیەوە دەیانناسیەوە كە دێموكراتە.
هەموو پێشمەرگەكانی سەردەمی ئەوكاتی حیزبی دێموكراتی كوردستان ، شاهیدی ئەو راستیەن، كە ئەو كاتانەی لە ناوچەكانی رۆژهەڵاتی كوردستان دا بووین، كچ و كوڕە جوانەكان لە گوند و شارەكاندا، كە چاویان بە پێشمەگەكانی دێموكرات دەكەوت، ئەوەندە تالیبی ئەو لیباسە خاكیەیی حیزبی بوون، داویان لێدەكردین و دەیانگووت; لانی كەم پانتۆڵێكیان لەو بەرگە خاكیەیی حیزبی دێموكراتی كوردستان بدەنێ تا وەك ئیفتخار لە بەری كەین.
دوای ئەو دەورانە، كە ئەو فەرهەنگە خاكیپۆشیە لە نێو خەلكی كوردستان دا هەروا زیندوو راگیرابوو، لەو كاتانە دا كە میدیاكانی حیزبی دێموكراتی كوردستان دەست بەكار بوون و ، لە شاشەی ئەو تەلەفیزیۆنانەوە ، لە بۆنە جیا جیاكانەوە كچ و ژن و كوڕو پێشمەرگەكانی دێموكرات بە بەرگی كوردی و خاكیپۆشیەوە دەركەوتنەوە، لە نێو خۆی رۆژهەڵاتی كوردستانیش دا زیاتر لە دەورانی شەست و حەفتاكان، لە لایەن خەڵكی نیشتمان پەروەرەوە پێشوازی لەو خاكپۆشی و لیباسە كوردیانە كرایەوە و پۆشی لیباسی كوردی و خاكی بوو بە ئەركی نیشتمانی كە وەك دەبینیین ئەمڕۆكە لە رۆژهەڵاتی كوردستان دا ، لە خۆشی و خۆشەویستی خاكیپۆشانی دوور لەوڵات، بە كوێرایی چاوی دوژمن ، لە بۆنە جۆراو جۆرەكان دا ، خەڵكان بە لیباسی كوردی و خاكیپۆشیەوە دەردەكەون و دژ بە دوژمنان، خەباتی مەدەنی و فەرهەنگی دەكەن و، خاكیپۆشی و جامەدانەو كەڵاش و سۆرانی سپی و دەسرۆكەی دەستی سەرچۆپی كێشان و گاوانانی گەڕی شاییەكان لە رۆژهەڵاتی كوردستان، دوژمنیان كوێر كردوەو سەفی نەتەوەیی رێكترو قایمتر و جسوورتر كردووە ومەسەلەی حەقی نەتەوەیی و نیشتمانیان، لە نێو دەم ددانی گڕی گورگەكانی جەماران دا ، لە ئەستێرەی ئاسمان بەرزتر كردووەو، هاكا گەیشتینە سەركەوتنی یەكجاری
ئەحمەد مەكڵاوەیی
3/12/1403