ئاگاداری بۆ بەرێوەبردنی کارنەڤاڵی شۆڕشی ژینا لە شاری ستۆکهۆڵم
ئاگاداری بۆ بەرێوەبردنی کارنەڤاڵی شۆڕشی ژینا لە شاری ستۆکهۆڵم
هاونیشتمانیانی ئازیز لە وڵاتانی سوئێد و نوروێژ
ڕۆژی ١٦ی سێپتامبری ٢٠٢٣، ساڵوەگەڕی شەهیدکرانی ”ژینا”ی نیشتمانە. تێپەڕبوونی ساڵێک بە سەر ئازایەتی و بوێری گەلانی ستەملێکراوی ئێران کە بۆ تێکەوپێچانی تۆماری نگریسی کۆماری ئیسلامی لە شۆرشی ژن ژیان ئازادی دا راپەریون .
ساڵێکی پڕ لە کوشتن و گرتن و تۆقاندنی لاوان و شۆڕشگێڕان بە دەستی خوێنمژترین و دژەمرۆییترین دەسەڵاتی سەردەم .
لە مانگی خەرمانان دا گەلی ئێمە جیا لە کارەساتی شەهید بوونی ژینای کوردان ، ٣١ ساڵ بەر لە ئیمرۆ کارەساتی میکونۆس و مووشەکبارانی قەڵای دێموکرات لە ١٧ی خەرمانانی ٢٠١٨ی رووی دا .
ئاگادارتان دەکەینەوە چالاکییەک لە ڕێکەوتی ٩ی سێپتامبری ٢٠٢٣ لە شاری ستۆکهۆڵم، بۆ ساڵوەگەی یادەکانی خەرمانانی خوێناوی و بەڵێن نوێ کردنەوە لە گەڵ شەهیدانی گەل و نیشتمان لە ژێر ناوی ”کارنەڤاڵی ژن، ژیان، ئازادی” بە بەشداری هونەرمەندان دڵنیا ڕەزازی، نارین فەقێ ، هێدی قادری ، و دی-جی لازۆ بە سروود و بەرهەمی شۆڕشگێڕانە بەرێوە دەچێت.
هیوادارین ئەو هەوڵانە یارمەتی بە پتەوتر بوونی پیوەندی نێوان هەموو گەلانی ستەملێکراوی جوگرافیای ئێران بکات.
بۆ بەشداری لەم کارنەڤاڵەدا بەخێر هاتینی هەموو لایەک دەکەین .
بە هیوای سەرکەوتنی شۆڕشی ژن، ژیان، ئازادی
بەڕێوەبەرانی کارنەڤاڵی ژن، ژیان، ئازادی:
حیزبی دێموکراتی کوردستانی ئێران-کومیتەکانی سوئێد و نوروێژ
یەکیەتی ژنانی دێموکراتی کوردستانی ئێران کومیتەکانی – سوئێد و نوروێز
یەکیەتی لاوانی دێموکراتی رۆژهەڵاتی کوردستان کومیتەکانی سوئێد و نوروێژ
ئەنجومەنی زیندانییە سیاسییەکانی رۆژهەڵاتی کوردستان کومیتەکانی سوئێد و نوروێژ
کۆمەڵەی گشتی کولتوری کوردی لە نوروێژ
یەکیەتی کوردان لە وڵاتی سوئێد
ناوەندی سوئێدی – کوردی