گیارەنگ هەر وەکو گیارەنگی لانکی پێشمەرگە هەمیشە سەوز و سەربەرزە. وەستا رەحمان
گیارەنگ هەر وەکو گیارەنگی لانکی پێشمەرگە هەمیشە سەوز و سەربەرزە. وەستا رەحمان
ماڵپەری گیارەنگ ئەو ساڵ بیست ساڵەی بەهاری تەمەنی خۆی تێپەر دەکا و ماندویی نەناسانە مۆمی دوو دەیە کار و تێکۆشان و خزمەت لە بواری رۆژنامەگەری کوردی دادەگیرسێنێ ، بەو بۆنەوە لە قوڵایی دڵمەوە گەرمترین پیرۆزبایی لە کارگیرانی و بە تایبەت هاورێیانی زۆر بەرێز و ئازیزم خوشکە شللیر و کاک حمەرەسوڵ دەکەم کە بە لێزانی و توانایی خۆیان پێشمەرگە ئاسا خزمەتی ماڵپەری گیارەنگیان کردوو و لە ماوەی ئەو بیست ساڵەدا هەمیشە بە سەوزی لە لای خوێنەرانی هێشویانەتەوە ، ئاواتەخوازم ماڵپەری گیارەنگی هەمیشە سەوز بە هاوکاری و پشتیوانی دڵسۆزانی فەرهەنگ و ئەدەبی رۆژنامەگەری کوردی رۆژ بە رۆژ خەرمانی بابەت و نوسراوەکانی بۆ خوینەرانی بە بەردەوامی سەوزتر و گەشاوەتر و دەوڵەمەندتر بێت .
رەمزی مانەوە و بەردەوامی ماڵپەری گیارەنگ بێجگە لە دڵسۆزی و هاوکاری نوسەران و شاعیران وهاونیشتیمانیان بە گشتی ، رابردوویی زێرین و قورس و قایم بوونی بەرێوەبەرانی ماڵپەری گیارەنگە لە هەموو مەیدانەکانی خەبات و تێکۆشان و خزمەتکردن کە مەتمانە و باوەرێکی قوڵی لە دڵی خوینەرانیدا پێک هێناوە ، بۆ من مایەی فەخر وشانازیە کە لە رێگای ماڵپەری گیارەنگەوە زۆر کەسایەتی گەورە و شۆرشگیری کورد ، نوسەر ، شاعیر ، وەرگێر و رۆماننوسم ناسیون و لە کانی زانستیانم هەڵێنجاوە وچێژ و زانیاریم لێ وەرگرتوون ، ئاواتەخوازم ماڵپەری گیارەنگ کە هیواو ئامانجێکی پیرۆزی لە پشتە رووناکایی مۆمی تەمەنی ساڵ لە دوای ساڵ گەشاوەتر و بڵیسەدارتر بێت .
بەرێزەوە: وەستا رەحمان