هۆنراوە بۆ منداڵان .. پێشمەرگەین … رەزا شوان
پێشمەرگەی کوردستانین
نەڕەشێری مەیدانین
شۆڕشگێڕین بە جەرگین
بۆ ئازادی دەجەنگین
خۆڕاگرین کۆڵ نادەین
هەموو ساتێ ئامادەین
ناسرەوین و ناترسین
هەردەم گیان لەسەر دەستین
پشت و پەنا و سەنگەرمان
شاخەکانی کوردستان
لە جیهاندا ناسراوین
بە ئازا ناوبراوین
دۆژمن لێمان تۆقیوە
زەبری ئێمەی بینیوە
چەکی ئێمە بڕوایە
داواکانمان رەوایە