٦٠ ساڵ خەبات لە پێناوی مافی دیاریکردنی چارەنووس و خەباتی هاشم کەریمی
بۆ سوپاس و پێزانینی زیاتر لە ٦٠ ساڵ خەبات و تێکۆشانی سیاسەتمەدار، نووسەر و سیمای دیاری ڕۆژهەڵاتی کوردستان و ئەندامی پێشووی ڕێبەری حیزبی دێموکراتی کوردستان هاورێی تێکۆشەر کاک هاشم کەریمی، بە باشم زانی نامیلکەی (دڵۆپێک لە دەریای ئەرک و زەحمەتەکانی هاورێ هاشم کەریمی) بۆ ڕێز گرتن لەم کەسایەتی‌یە مەزنەی گەلەکەمان ئامادە بکەم.
بۆ ئەم مەبەستە داوام لە چەند هاورێی کاک هاشم کە لە رابردوو دا لە ئۆرگانەکانی حیزبی دا هاواکار و هاوخەبات بوون کرد، لە بیرەوەری یان بیرۆری خۆیان لە سەر ئەم کەسایەتی‌یە سیاسی‌یە بنووسن.
ئەوم نامیلکەیە بەرهەمی بیرۆبۆچوونی چەند هاورێی دێرینی کاک هاشم کەریمی‌یە و هیوادارم کە بە دڵی هەموو لایەک بن.