بانگەواز بۆ نارزایەتی دەربرین لە شارەکانی کوردستان
کوردستان مەکۆی سەرهەڵدان و خۆڕاگری
لە چەند ڕۆژی ڕابردوو دا هەر وەک ساڵانی پێشوو خەڵکی کوردستان خاوەنداریەتیان لە ڕۆڵە شەهیدکراوەکانی خۆیان کردووە و دوای شەهید کرانی ژینا ئەمینی (مهسا امینی) خەڵکی کوردستان و ئێران هاتوونە سەر شەقامەکان و بە دانی درووشمگەلی جۆراوجۆر تەخت و بەختی کۆماری ئیسلامی ئێرانیان وەلەرزە خستووە.
لە ماوەی چەند ڕۆژی ڕابردوو دا کوردستان پێشەنگایەتی بزووتنەوەی جەماوەری گشت ئێرانی کردووە و پشتیوانی خەڵکی کوردستان و هێز و لایەن و ڕێکخراوەکانیش بۆتە هیوای زیاتر.
یەکدەنگی و یەکڕەنگی و یەکریزی بۆتە هەوێنی ئەم ڕاپەڕین و ناڕزایەتی دەربرینە.
ئەمڕۆ سێ شەممە ڕێکەوتی ٢٩ی خەرمانان کاتژمێر شەشی ئێوارە لە زۆربەی شارەکانی کوردستان و ئێران خۆپێشاندان و مانگرتن دەست پێدەکا.
بەشداری خەڵک دەبێتە هۆی پاشەکشەی زیاتری کۆماری ئیسلامی ئێران و هەر بۆیە پێویستە هەموو چین و تویژەکانی کۆمەلگا و گشت پێکهاتە و ئایین و ئایینزاکان و نەتەوەکانی دیکە بەشداری ئەم خۆپێشاندانە بکەن و چاونەترسانە لە مەیدان و گۆڕەپانی دیاریکراوی شارەکان کۆببنەوە.
دەنگمان لە گەڵ دەنگی ئێوەیە.
شارەکانی کوردستان بکەنە گۆڕستانی دوژمنان
ئەمرۆ ئێوارە شارەکانی
سنە ، سەقز، قروە، بانە، دیواندەرە، جوانڕۆ، بیجار، بۆکان، مەهاباد و سەردەشت لە گۆڕەپانی شارەکەیان دا کۆدەبنەوە.
ئەرکی نیشتمانی و نەتەوەیی و ئینسانیتان بەرێوە بەرن و بە شداریتان لەمبۆزی کاربەدەستانی کۆماری ئیسلامی ئێران لە خۆڵ وەر بدەن.
لێرەدا وەبیر جاش و خۆفرۆشانی دێنینەوە کە، داهاتووی خۆیان لەوە ڕەشتر نەکەن و بچنە پاڵ خەڵکی خۆیان و چیتر و زیاتر نەبنە کۆسپ و دار دەستی حکوومەتی ئیسلامی ئێران.
بۆ پێشەوە بەرەو یەکگرتن و خۆپێشاندانی جەماوەری
کاتژمێر ١٨:٠٠
سێ‌شەممە ڕێکەوتی ٢٩ی خەرمانان
گۆڕەپانی گەورەی شارەکان
ماڵپەری گیاڕەنگ