حوکمی دوو مانگ زیندانی بۆ وەزیری پێشووی کۆچ و کۆچبەرانی دانمارک
حوکمی دوو مانگ زیندانی بۆ وەزیری پێشووی کۆچ و کۆچبەرانی دانمارک سەبارەت بە کچانی منداڵ کە بە ناچار هاوسەرگیریان پێکراوە.
دادگایەک لە دانمارک ڕۆژی دووشەممە ڕێکەوتی ١٣ ـ ١٢ ـ ٢٠٢١ لە بریارێکی کەم وێنەدا خاتوو ” ئینگێر ستۆیبێرگ” وەزیری پێشووی کۆچ و کۆچبەرانی ئەو وڵاتەی بە تاوانی : شکاندنی یاساکانی دانمارک و یەکیەتیی ئوروپا ” بە دوو مانگ زیندانی مەحکووم کرد.
خانمی ستۆێبیرگ لە ساڵی ٢٠٢١٦ زائینی دا لە کاتێک دا وەزیری کۆچی دانمارک بوو، بریاری دا کە هەر پیاوێک خوازیاری پەناخوازی بۆ کەسێکی خوار ١٨ ساڵ کە بە منداڵ دەژمێردرێ بکا و وەک هاوسەری خۆی بیهێنێ بۆ دانمارک و یا پێشتر هێناویەتی دەبێ لێک جیا ببنەوە.
دوای ئەو بڕیارە ٢٠ کەس لە داخوازیکاران پەناخوازی کە لە پیاوانی باڵغ و کچانی ژێر تەمەنی ١٨ ساڵ پێکهاتبوون لێک جیا بوونەوە، بەڵام ئەو بڕیارە دوای ئەوە کە حیزبەکانی بەرەی چەپ و سەوزی دانمارک فشاریان خستە سەر هەڵوەشایەوە.
ئێستا دوای ٥ ساڵ هەر ئەو حیزبانە و ئەو کەسانەی کە لێک جیا بوونەوە توانیان خانمی ستۆێنێرگ بکێشنە بەردەم دادگا و لە دادگا دا بە دوو مانگ زیندانی حوکم درا.
خانمی ستۆێبێرگ لە نیو ئاپۆرای مێدیاکارانی دانمارکی و خاریجی دا کە لە دەرەوەی بینای دادگا ڕاوەستابوون گووتی کە بە بریاری ناعادڵانەی دادگا شۆک بووم و دواتریش گووتی هەرگیز لەو بڕیارە پەشیوان نیم و بە سەربەرزیی و شانازییەوە ئەو حوکمە قەبووڵ دەکەم، هاوکات لە درێژەی قسەکانی دا گووتی ئەمن ئەرک و وەزیفەی ئینسانی و مرۆڤیانەی خۆم لە ئاست ئەو کچانە کە تەمەنیان لە خوار ١٨ ساڵ بووە بەجێ گەیاندووە.
لە پەراوێزی ئەم حوکمەدا بەشێکی بەرچاو لە کۆەمڵگای مەدەنی و چالاکان و پارێزەرانی مافی منداڵان و ژنان نارزایەتی خۆیان بە حوکمی دادگا دەربریوە و ئەو حوکمە بە نارەوا دەزانن.
