لە ٣٠ ساڵهی شههیدانی وییهن دا با لە گۆرستانی پێرلاشێز کۆببینەوە
هاونیشتمانانی خۆشەویست!
رۆژی شەممە ۱۳ جولای، رێک سی ساڵ بەسەر تێرۆری رێبەری خۆشەویست و کارامەی میللەتەکەمان، دوکتور قاسملوو و هاورێیانیدا تێدەپەرێ. ۳٠ ساڵ بەر لە ئێستا سەرانی کۆماری ئیسلامی ئێران، بە مەبەستی کپ کردن و شکاندنی خەباتی حەقخوازانەی میللەتەکەمان، بەهێزترین رێبەری ئێمەیان لەسەر مێزی وت وێژ شەهید کرد. دەگەڵ ئەوەی کە شەهید کردنی قاسملوو و هاورێیانی زەبرێکی گران بوو،لە بزوتنەوەی کورد درا، بەلام ئاڵای خەباتمان هەر دەشەکێتەوە و تا وەدی هێنانی ئامانجەکانی قاسملوو و هەموو شەهیدانی رێگای رزگاری ،بەردەوام دەبێ. ئەگەر شەهید قاسملوو وەک سکرتێری حیزبی دێمۆکرات شەهید کرا، ئێستا سیمبول و هێمای رزگاری هەموو کوردە. ئەورۆ ناوەرۆک و ماهیەتی کۆماری ئیسلامی و رێبەرانی، زۆر لەجاران باشتر بۆ جیهانیان ناسراون و، دەرەتانێکی باشتر بۆ دەرخستنی سیاسەت و کردەوە دژی ئینسانیەکانی ئەم حکومەتە پێک هاتوە. بۆیەش هەموومان دەو رۆژەدا لە پێرلاشێزی پاریس کۆدەبینەوە،دەگەل رێبەرانی میللەتەکەمان پەیمانی وەفا و درێژەی رێگایان نوێ دەکەینەوە.
هەرچەند زەمان تێپەرێ، لەسەر داواکانی قاسملوو و هاورێیانی، سورتردەبین.
بەشداریتان، نیشانەی وەفا، ئەمەگناسی و ماف ویستیتانە
بەرز و بەرێز بێ یادی شەهیدانی وییەن
نەمان و سەرشۆری بۆ تێرۆریستان
دیدارمان شەممە ۱۳ی جولای لە پێرلاشیز، مەزاری شەهیدان، کاتژمێر ٢ی پاشنیوەرۆ.
کۆمیتەی یادی ٣٠ ساڵهی شههیدانی وییهن