هەتەرێ مەتەرێ نەورۆزانە چم دەدەنێ ئاواڵەکان ؟

هەلاوە مەلاوە

بێستانی سوورو ساوا

کوڕتان ببێ بە زاوا

کچتان نەبێ بە چاوا

هەلاوە مەلاوە
چەپکێ گوڵی ڕازاوە
بێستانی سوور و ساوا
گەزیزەمان هێناوە

ئەم شەو شەوی نەورۆزە
ساڵی تازە پیرۆزە
هەموو دەستی یەک دەگرین
خۆشی بۆ گەل و هۆزە

هەلاوەیە و مەلاوە
ساڵی تازە گەڕاوە
ئاوەدانی هێناوە
گوڵ بوونە برازاوا

نەورۆز بووکی بەهارە
شادی بۆ لادێ و شارە
وەرنەدەرێ مناڵان
چەپڵە لێدەن ئەمجارە

مامۆستا سەلاح نیساری