سروودێک بۆ شۆڕشی “ژینا” چەکۆ باران
شێعرێک بۆ سروود
سروودێک بۆ شۆڕشی “ژینا”
دەست لەملانە…..دەست لەملانە
دەست لەملانی….
ژن و ژیان
ژن و ژیان و ئازادی
هەڵپەڕینی بینایی و چاو
بەزم و شایی ئاگر و ئاو
شار سەنگەری لاوەکانە
ڕەشبەڵەکی شێعر و هەتاو
سەرهەڵدانە…..سەرهەڵدانە
سەرهەڵدانی…..
ژن و ژیان
ژن و ژیان و ئازادی
شەقام گڕی هەراسانە
کۆڵان تژی لە ڕاسانە
بەهاری ژیانەوە و ژینە
بووژانەوەی سەر و گیانە
بەرخودانە…..بەرخودانە
بەرخودانی……
ژن و ژیان
ژن و ژیان و ئازادی
کچی دوانەن هەڵمەت و هێز
قەڵەم و شاخ بەستەی بە پێز
دەنگیان گەرم و هیوابەخشە
پێشەنگانی گڕی ئاخێز
کوردستانە……کوردستانە
کوردستانی……
ژن و ژیان
ژن و ژیان و ئازادی
شار بۆتە شاخ شەقام سەنگەر
مست بۆتە چەک هاوار لەسەر
هەڵمەت دەبەن بێباکانە
کوڕ و کچانی کۆڵنەدەر
گۆڤەندانە……گۆڤەندانە
گۆڤەندانی…..
ژن و ژیان
ژن و ژیان و ئازادی
خەباتم هیوای فڕینە
بەرخودانیشم بۆ ژینە
داهاتوومانە ئازادی
هەنگاومان بە تاو و تینە.
چەکۆ باران
تێبینی: بڕیارە لە لایەن هونەرمەند کاک حەسەن دەرزی و هاوڕێیانی بکرێت بە سروود.