شۆڕشگێڕانی راستە قینە لە مردن سڵ ناكەن و، شانازی دەكەم لە كاروانی ئەم خەباتە جێ نەماوم
شۆڕشگێڕانی راستە قینە لە مردن سڵ ناكەن و، شانازی دەكەم لە كاروانی ئەم خەباتە جێ نەماوم
ئەحمەد مەكڵاوەیی
بۆ جوان دەرخستنی وتارەكم ئاوڕێكی سەر پێیی لە رابردوو حیزبی دێموكراتی كوردستان دەدەمەو، ئەمجار هەندێك راستی تی تری سەری بابەتەكەم دێنمە بەر چاوی خوێنەران
دوای دروست بوونی كۆمەڵەی ژێكاف و،پاش دروست بوونی حیزبی دێموكراتی كوردستان و، دامەزراندنی حكوومەتی كۆماری كوردستان، بەداخەوە كە فرسەتە رەخساەكانی كوردانی رۆژهەڵاتی كوردستان لە باربران، مشوورخۆر و رووناكبیری چاونەترس و رێڕەوانی چارەسەری قەزیەیی كورد، بێ ئەوەی لە مردن سڵ كەن، بە نهێنی و ئازایانە ، لە گەلێك رۆژانی سەخت دا ، بە دژی نەیانی مەسەلەی كورد، درێژەیان بە خەبات دا
دوای بەر تەسكبوونتر مەیدانی نەهێنیش، دیسان ئەوانەی لە مردن سڵیان نەكرد، بەرەو ئەندەران رۆیشتن و، لە ژیانێكی پڕ مەترسی و سەخت دا درێژەیان بە خەبات دایەوە
لەو وەزع و حاڵەدا ، كە پێیان نایە ساڵەكانی پێش 1346<و 1347ی هەتاوی ، كادر و پێشمەرگەی ئەوكات، لە ئێستا زیاتر لە ژێر فشاری ئەو و ئەم دابوون ، لە هەموو بوارەكان دا ژیانی سەخت بوو، هەم لە بارەی ژیان و هەم لە بارەی سیاسیەوە مەیدانیان پێ تەنگ و تەنگتر كرابوو،
لە بارەی ژیانەوە كاك عەبدوول نستانی زۆر شتی بۆ باس كردووم، بۆ راستی قسەكان ئەو و سەردێڕی بابەتەكەم ، یەك دوو نموونەی ئەو لێرەدا دەگێڕمەوە
كاك عەبوول نستانی دەڵێ: كە بنكەمان لە لای ئێران و نازەنینان بوو، پارەمان نەبوو لیباسی بەری خۆمانی پێ بكڕین، دەڵێت : جیا لە یەك نەفەرمان ، هیچمان ئەوەی لەو بنكە بووین ، ژێر پانتۆڵمان نەبوو دەبەری كەین ،كە لیباسەكانی دەشۆردن، بە نۆرە ئەو ژێر پانتۆڵەی رەفیقەكەمان وەردەگرت
ئەو رۆژەی كە هەواڵی كۆچی دوایی كاك هاشمی كەریم لە ئورووپا بڵاو كراوە، كاك عەبوول نستانی لە ماڵی ئێمە بوو، بە بیستی هەواڵی كۆچی دوایی كاك هاشم ، كاك عەبوول نستانی گریا، پاش تاوێك، بە لكی پشتێنەكەی چاوی خۆی سڕین و ، گوتی : ئای كاك هاشم ، لە پێناو گەیشتنی نەتەوەكەت بە ئازادی چەندت كوێرەوەی دیتن و هەر لە ماڵی ئێمە ، گوتی : با شتێكی ناخۆشت بۆ بگێڕمەوە، هەناسەیەكیساردی هەڵكێشا و گوتی:
هەزار سڵاو لە رووحی ، لە ساڵەكانی 1346و1347دا، كاك هاشمی كەریمی، سەر چۆكی پانتۆڵەكەی دڕا بوون، بە دەرزی و دروومانی دەستی پینەی لێدا بوون ،بۆ ئەوەی لە بەریدا دیار نەبێ ، پاشەو پێش دەبەری دەكرد،
جا بۆیە دەڵێم شۆڕشگێرانی راستە قینە، لە مردن سڵ ناكەن، لەو وەزعە ناخۆشەیاندا، مامۆستا مەلا ئاوارە، كاك سمایلی شەریف زادە، وردیەكانی بانە، سلێمانیەكانی مەهاباد، مەلا شیرێژ و مینە شەم و سەدانی تر ، كە لەو دیوو ئەو دیووی كوردستان شوێنێك نەبوو سەرخەوێكی راحەتی تێدا بشكێنن، نەترسانە ، چۆكیان بۆ دوژمن دانەداو ، درێژەیان بە خەبات داو ، شەهید بوەنیان هەڵبژاردو ، سڵیان لە مردن نەكرد
دوای سەركەوتنی شۆڕشی 1357ی هەتاوی لە ئێراندا، رۆڵە گیان لە سەردەستەكانی نەتەوەكەمان، پاش ئەوەی كە لە لایەن خومەینی گۆڕ بە گۆڕەوە، بە كوفار داندران و، دەستووری جیهاد بۆ سەر خاك و نەتەوەكەمان درا ، زۆر بێ منەت و سەر بەرزانە، بە دژی دوژمن جەنگان و ، زەبری گەورە و بە ژانیان لە دوژمن وەشاند و ، جەرگی خومەینی و دارو دەستەكی ئەویان، لە تاران داخ كرد.
هەر چەند لە دێژەی ئەو خەباتە رەوایەدا، زیاتر لە پەنجا هەزار كەس لە خەڵكی بێدیفاع و ، پێنج هەزار پیشمەرگەی دێموكراتی و ، بە هەزاران پێشمەرگەی لایەنەكانی تری كوردستان شەهید بوون، رۆڵەكانی گەل و نیشتمان ، بە چۆكدا نەهاتوون و ، لە مردن سڵیان نەكردوەو ، جگە لە كارایی هێزەكانی تری كوردستان ، هەر بە دەستی بەهیزی هێزی پێشمەرگەی حیزبی دێموكراتی كوردستانی ئێران ، زیاتر لە بیست و پێنج هەزار جاش و پاسدار و بەكێگیراوی دوژمن كوژراون و ، بە سەدان شوێن دڵی دوژمنیان داخ كردووە.
دوژمن چ لەناو خۆی وڵات و ، چ لە ئەندەران، بۆ ساتێك لە تیرۆر و كوشتنی رێبەران و، كادرو پێشمەرگەو ، ئەندامی شۆڕشگێران رانەوەستاوە، لە سەر شاخانەوە، تا بێهەنگوین و شیوجۆی رەبەت، لە ئالانی سەردەشتەوە ، تا گەورەدێ و بناری قەندیل و دەشتی، بە تەیارەو كاتویشاو، بە تۆپخانە لە قەسفی بنكەو ، كامپی بنە ماڵەكان دەستی نە پاراستووەو ، زۆر ژن و منداڵ و، پێشمەرگەو كادر و، ئەندامی رێبەری شەهید كردوون، بەڵام هێزی پێشمەرگە و، ئەندامانی بنەماڵەكانیان، بە چۆكدا نەهاتوون و ، هەروا سەربەرزانە لە مەیدانی نیشتمانپەرستی دا راورستاون و ، لە مردن سڵیان نەكردووە.
لە كاتی شەڕی نێوان ئەمریكاو ئیسرائیل و ئێرانی ئاخوندی دا، دوژمن كە زەبری بە ژانی وێكەوتن، هەر وەك هەمیشەی، كە هەمووی چەند سەعاتێك لە دەسپێكی شەڕەكە تێپەڕی نەببوو، زۆر نامەردانە ، ئاوڕێ قین و دوژمنكارانەی لە حیزبەكانی رۆژهەڵاتی كوردستان، نیشتە جێ لە باشووری كوردستان دایەوە و ، بە چەكە مۆدێڕەكانی وەك دڕۆن و مووشەكی پێشكەوتووی ئەمڕۆ دونیا، داگژایە كامپی بنەماڵەكان و ، ئەوەی لە دەستی هاتووە كردوویەتی و ، زیاتر لە دووسەد مووشەك ودرۆنی ئاراستە كردوون ،كە بە داخەوە بووە هۆی ئاوارە بوونی بنەماڵەكان و، گەیشتنی زەرەو زیانی ماڵی و، بریندار بوون و شەهید بوونی چەند ئەندام و پێشمەرگە ، بەڵام خەڵكانی شۆڕشگێری نێو ریزەكانی حیزبەكانی رۆژهەڵاتی كوردستان زۆر لەوە گەورەترو خۆڕاگرترن كە رێژیم پێی وایە دەروخێن، نا نا دوژمن خیالی خاوە، چل و حەوت ساڵە ، كوڕ و كچانی شۆڕشگێری رۆژههەڵاتی كوردستان، سەنگەری دێفاع لە مان و مەوجوودیەتی نەتەوەكەیان پاراستووە و نەیان هێشتووەو ، ناهێڵن ئەو سەنگەرە بڕوخێت و، سەرئەنجام لەم سەنگەرەیاندا ، بە سێرەی شۆڕشگێر بوونیان ، كەلە و بیری كۆنە پەرستی ئاخونیدەكان شەق وپەق دەكەن و ، لە مەیدانی سیاسی و كۆنەپەرستی دەوڵەتداریاندا، وەدەریان دەنێنن و ، ناهێڵن هەروا كۆسپی سەر رێی بەختەوەری گەلانی مەزلوومی ئێران بن.
بڕوخێ دەسەڵاتی رەشی كۆنەپەرستی جمهوری ئیسلامی ئێران
ئەحمەد مەكڵاوەیی
20/2/1405