بە جێی گەیاندنی ئەركی حیزبیمان، یەك نازناوی پێ بەخشین. ئەحمەد مەكڵاوەیی
بە جێی گەیاندنی ئەركی حیزبیمان، یەك نازناوی پێ بەخشین
بە دیتنی ئەم وێنە، ئەم بیرەوەریانەم بیر هاتنەوە
كاتێك ئێنقلابی 1357 دەستی پێ كرا، ئێمە دوو كوڕە جوتیار بووین، ئەمن تەمەنم هەژدەساڵ و ، قادر كەمێ كەمتر، ئەمن شۆفیری تراكتۆر و ، قادریش جار جار شوان و ،جارجاریش لە مووچەو مەزرا هاوكاری باوكە زەحمەت كێشەكەی.
هەردووكمان سەركەوتنی شۆڕشمان پێ خۆش بوو، ئەمن دەمزانی رابردوو كوردایەتی بنەماڵەی ئێمە، بۆ سەردەمانی شۆڕشەكانی ئەمەر حەمەسوور و مەلاخەلیل و حیزبی دێموكراتی كوردستان دەگەڕێتەوە، بەڵام سەبارەت بە بنەماڵەی قادر، لەم بارەوە هێچم نەدەزانی، چونكە ئەوان بە ئەسڵ خەڵكی ناوچەیەكی بانە بوون و ، هاتبوونە گوندی مەكڵاوێ، كاتێك حیزبی دێموكراتی كوردستان تێكۆشانی ئاشكرای خۆی راگەیاند و ، لە شارەكانی كوردستان دا ، بنكەو بارگای خۆی كردنەوە، ئەمن بووم بە ئەندامی حیزب و، قادریش لە گەڵ چەند كوڕی دیكەی گوندەكەمان ، راستەو خۆ بوونە پێشمەگەی حیزب و، لە بنكەی حیزب، هەڵكەوتوو لە جێ شوێنی پاسگای دارساوێن بوون بە پێشمەرگەی دێموكرات.
هاوینی 1358 بنكەیەكی یەكیەتی لاوان كە ئەو كات كاك فەتاح خانی بانە سەرپەرستی دەكردن، هاتە گوندی مەكڵاەێ و، لە سەر حمباراوەكەی گوندی ، كە لە دەم مووچەكەی ماڵی ئێمە بوو، بنكەیان دانا لەوێ پێوەندیم پێوەكردن و ، لە گەڵ پۆلێك كوڕی نێو گوندی، بووین بە ئەندامی یەكیەتی لاوان و ، درێژەمان بە ئەركی رێكخراوەیماندا.
دواتر، لە بەهاری 1360، بە هۆی پێوەندی تووند و تۆڵمان لە گەڵ شەهید رەسووڵ خەبات، چەندین جار لە لایەن ئیتلاعاتی سەردەشتەوە ئاگاداركراین كە خۆمان بەو ئۆرگانە بناسێنین،بەڵام چونكە دەمانزانی دەگیرێن ، نە چووین و ، لە سەرەتای 1360 دا ، لە گەڵ شەهید مەحموود فەیزی مەكڵاوێمان جێ هێشت و ، راستەو خۆ بوویی بە پێشمەرگەی دێموكرات.
دوای یەك دوو مانگ، چەند كوڕی دیكەی گوندەكەمان، هاتن بۆ پێشمەرگایەتی و ، سەرجممان بووین بە هەژدەكەس.
تازە كۆتا مانگی بەهاری ئەو ساڵە بوو، لە گەڵ شەهید مەحموود و حوسێن هەورازە، كەوتینە فكری ئەوە كە هەموومان یەك بگرینەوەو ، بۆ خۆمان دەستەیەك دابنێین.
كارەكەمان سەری گرت و، ، چووینە گوندی نستان بۆلای كاك ئەحمەد نستانی و ، چەك وچۆڵمان لێوەرگرت و، گەڕاینەوە بۆ گوندی قامیشە و ، لەوێ بنكەمان كردەوەو، دەستەیەكمان بە ناوی دەستەی شەهید خالید مەهابادی دانا و ، دەستمان بە تێكۆشانی حیزبی كرد.
پاش ماوەیەكی تر، حەسەن شاگووپ و براكانی و، حوسێن و حەمە رەسووڵ سەردەشت و ، چەند كەسی تر ،هاتنە ناو دەستەكەمان ، بەڵام دەستەكەمان لە ناوچەكانی ئەوبەراوبەری سەردەشت و رەبەت و بانەدا ، هەر بە دەستەی مەكڵاوەییەكان ناسرا بوو.
لە سەرەوەی ئەوە، مەكڵاوێ زۆر زوو بە پاش ناوی ئەمن و قادرەوە لكاو ، ئێدی لەوە بەدوا، لە ناو خەڵك و پێشمەرگەدا، هەر بە ناز ناوی ئەحمەد مەكڵاوریی و قادر مەكڵاوەیی بانگ دەكراین و ، حەتا زۆر جارانیش، تا ئێستاجی لە گەڵ بێ ، هەر بە ناز ناوی مەكڵاوەیی بانگ دەكراین و بانگ دەكرێین.
لێرە دا داوادەكەم با نەبێتە خوت پەسندی، بەڵام هۆكاری هەڵگرتن و لكانی مەكڵاوەیی بۆ پاشگرو خۆشناوی مكڵاوەیی ئێمە ، دەگەڕێتەوە بۆ كار وئەركە حیزبیەكەمان ، بە تایبەت لە ناوچەكاندا كە ساڵانە دوو بە دوو، دەیان یا سەدان مەعمووریەتی حیزبیماندڵسۆزانەو سەركەوتوانە بە جێ دەگەیاندن.
لە ناوچەدا خەڵك نەبوو نەمان ناسن ، ئێمە هەموو شوێنێك شارەزا بووین، لە رەبەت و سەردەشت ، كەم كەس هەیە كە بەرەنگیش نەیدیتبیین، ناو ، یا ناو بانگی نەبیسبین، ئەوەش دەگەڕێتەوە بۆ هەڵسووڕو، بە جێ گەیاندی مەعموریەت و ، ئەكی حیزبیمان.
ئای چەند خۆش بوو، كە بە تەنیا و، بێ یەكتر ، روومان لە ماڵان دەكرد، لە ماڵێك، لەمن و ، لە ماڵێكی تر ، لە قادر لە بوونی من و قادر پرسیاریان دەكرد.
لە ناوچەو گوندەكان دا، لە هەر كاتێكدا ، بە وەخت و بێ وەخت، بە شەو یا بە رۆژ ، روومان لە هەر مووچەو ماڵێك دەكرد ، بە گەرمی وەردەگیراین، ئەوەش دەگەڕایەوە بۆ سادقی و ، دڵسۆزی و ، پاكی خۆمان، بۆ خەڵك و حیزبەكەمان.
لە ژیانی پێشمەرگایەتیماندا، لە نێو خۆی وڵاتدا ، قەت هەستمان بە دووری خزم و ، دایك و ، باوك و ، براو، خوشك و خزمان نەكرد، چونكە خەڵكی زۆربەی ناوچەكانی بانەو، سەردەشت و رەبەت ، بۆ ئێمە ئەوان بوون و زیاتریش رێزیان دەگرتین.
شاخ و كانیاوەكان سپی رێزو فێرەك ، سەرچاوەكانی خاڵەبادو سووراڵێ و بۆڵژی، لە ماڵی بابمان فەرڕزتر بوون، سێبەری دارەكانی كۆلار، بەڕۆژەبلیند، كانیە گوڵینێ و ئەودیواودیوی بەندەنی بازگری، نێو باوەشی گەرمی دایكمان بوون.
جوانتر لە دایكمان پاراستیانیین،ئەرێ چۆن نەكەم مەدحی دایك و باوك و براو خوشكانمان لەناوچەی رەبەت، چەندە بەگەرمی پیشوازیان لێدەكردین، شتیان بۆ دێناین، لیباسیان بۆ دەشۆردین، رێنوێنیان دەكردین، پێ خۆریان بۆ لە ناو كۆڵەپشتیەكانمان دەنا, ئێستاشی لە گەڵ دا بێ ، دوای ئەوەی ئێمە رۆژهەڵاتی كوردستانمان جێ هێشت، لیباسی من و قادر ، بە قەدر كراوری لای دایك و خوشكانمان ماون و ، دڵیان نەهاتووە بیان فەوتێنن و، بە یادگاری شۆڕشی ئێمەیان دەزانن.
من و قادر تا ئەوكاتەی قادر برەو ئەندەران كۆچی كرد، مەحمووریەت و ، جەولەو ، پیاس و قەدەم لێدانیشمان پێكەوە بوو، بێ یەكتر هەڵمان نەدەكرد، گەر بۆ ماوەیەك لێك هەڵدەبڕان، لە شوێنانن خەڵكان لە نەبوونی من و ئەو پرسیاریان لێدركردین.
بێ ترس لە شەڕو ئەركە گرانەكانی حیزبیدا بەشداریمان دەكرد، من لە گەڵ یەك دوو كادر لە ئەركی كاری تەشكیلاتیدا، لە میلیتاریزەترین شوێنەكانی سەردەشت و رەبەدا كارم دەكرد، قادرید لە حەساسترین شوێنی نیزامیدا ئەركە حیزبیەكانی جێ بە جێ دەكردن.
بە شاهیدی هەموو هاوسەنگەرانمان لە رەبەت، قەت لە نێو خۆی وڵات ، لە كاتە تەنگانەكاندا ، روومان گرژ نەدەكردو، بە كەیف و پێكەنینەوە دەمانڕوانیە رووداوەكان و ئومێدمان لە دەست نەدەدا ، شاهیدی نزیكمان كاك ئەحمەد نستانیە.
بیرەوەریەكانمان لە رەبەت یەكجار زۆرن، لە كاری حیزبیمان دا زۆر نهێنی هەن، جاری وابوو خەریك دە بوو تێدا چین، بەڵام پشت بەستن بە خواو، تێڕادە و پشت بەستن بە یەكتر سەردەكەوتین.
گەر ئێستاش بڕۆن لە ئاوی سەدی سەردەشت و ،خەڵكانی گوندەكانی باسكی سەردەشت پرسیار بكەن، بێ شك سەبارەت بە ئەنجامدانی كاری حیزبیمان ، لەو بەڕاوبەرەدا، شاهیدیمان بۆ دەدەن كە چەندان شەو لە زستان و بەهاراندا، لە كاتی لوورە لووری ئاوی خوڕی بواركانی كەندەزەردو ئیدیدا ئەركەكانی حیزبیمان بە جێ گەیاندوون و لە مەرگی سەد لە سەد رزگاریمان بوو.
كام شەڕ لە ناوچەكانی رەبەت و دەوروبەریدا هەیە تێدا بەشدار نبووبیین، خۆ لكانی مەكڵاوەیەكان بە پاش ناومانەوە هەروا سووك و سادە نەبۆتە خۆش ناویمان كە بەراستی شانازی پێوەدەكەین.
ئێستا قادر لە فینلانداو، من لە دەشتی كۆیە، بەڵام بە دل و بە پێوەندی لە رەبەتین ، خاك و خەڵكی خۆمان لە بیرماوەو، لێك دانەبڕاوین و، هەڕوا یەك بیروباوڕین.
زۆر شت هەیە بینووسم، بەڵام چونكە هەموویانم لە توێی شەش جڵدی كتێبێك دا بەناوی لە شاری خۆر تا كۆیەیی ئەدیبان نووسیوە، نانووسم و ، با تا كاتی چاپی ئەو شەش جڵدە، بە نهێنی وەمینن.
ئەحمەد مەكڵاوەیی
21/2/1405