ئارشیوی ڕۆژنامەی کوردستان

وێنەگای شیمیایی سەردەشت

 وێنەگای شەهیدانی شیمیابارانی شاری سەردەشت لە ڕیکەوتی ٧ ی پووشپەری ١٣٦٦ ی هەتاوی بە دەستی رژێمی بەعسی عێراق

ڕاگەیاندراوی ناوەندی ژنانی ڕۆژهەڵات

qelem.jpgبە بۆنەی كوژرانی روئیا ، سوعدا و سومەیە وەیسی 
كۆمەڵانی خەڵكی كوردستان  
ژنان و پیاوانی پێشكەوتن خواز 
ناوەندی ژنانی رۆژهەڵات ژن كوژی بە هەر بیانو و پاساوێک مەحكووم دەكات.

مەسەلەی ژن كوژی سەرچاوەگرتوو لە بیری تەسكی پیاوسالاری و نیشانەی دواكەوتوویی كۆمەڵگایە و ئەم دیاردەیە لە سەرتاسەری جیهان و بە تایبەت لە وڵاتانی دواكەوتوو خاوەن یاسای دژە ژن وەک ئێران نە تەنیا لەگەڵ بەرەو پێش چوونی جیهان و كۆمەڵگای مرۆڤایەتی رەنگی نەگۆڕیوە بەڵکوو زۆر جاران یاساكانی دژە ژن سەرەڕای هەوڵی بێ وچانی چالاكانی مافەكانی ژنان ، ئەم مەیدانەی بۆ بە یاسایی كردنی ئەم چەشنە لە تاوان خۆش كردووە و بە داخەوە هەواڵی ناخۆشی كوشتن و فرێدان و دۆزینەوەی تەرمی ژن، بە بیانووی جۆراوجۆر بۆتە هەواڵێكی ڕۆتینی ڕۆژانە .
ئێمە وەک ناوەندی ژنانی ڕۆژهەڵات لە ڕێگەی ئەجێندا و دووربینی كاری خۆمان و لە رێگەی ئەم ڕاگەیاندراوە جارێکی دیكە هەموو توندوتیژیەک بەرانبەر بە ژنان لە بنەڕەتدا مەحكووم دەكەین و نارەزایەتیمان بە كوشتنی ژنان و بەتایبەت كوشتنی دوایین قوربانیانی ئەم دیاردەیە لە كوردستان بەرز دەكەینەوەو داوامان لە هەموو چالاكان و یەكسانی خوازان ئەوەیە وەک هەمیشە دەنگی ناڕەزایەتی بەم دیاردە قێزەونە بڵیند بكەن و بە هەر شێوازێکی گونجاو ڕێگە نەدەن ئەم نیشانەیە لە كۆنەپەرەستی، ناسنامەی كوردستان خەوشەدار بكات و هەوڵ و تێكۆشانی ئێمە و ئێوە بۆ گەیشتن بە كۆمەڵگایەكی دادپەروەر و دیموكراتیک و پێشكەوتن خواز ناهەموار بكات.
سەركەوێ بزوتنەوەی ڕەوای گەلی كورد
سەركەوێ بزوتنەوەی ژنان
بڕوخێت نیزامی كۆنەپەرەستی كۆماری ئیسلامی
ناوەندی ژنانی ڕۆژهةەڵات
11/8/2017