mohammad khadmyaniبە بۆنەی هەڵکردنی ١١ هەمین مۆمی دامەزراندن و دەستبەکارکردنی ماڵپەری گیارەنگ پیرۆزبایێکی گەرم لە برای بەرێز و هاورێی خۆشەویستم کاک حەمەرەسوڵ کەریمی، دامەزرێنەر و بەرێوبەری ماندونەناس و هاوکاران و هەمو نووسەران و خوێنەرانی دەکەم.

١٠ ساڵ چالاکی بەردەوام و بێ پسانەوەی ماڵپەری گیارەنگ وەک ماڵپەرێکی نەتەوەیی سەلمێنەری ئەو راستیەیە کە توانیویەتی بە تەرخانکردنی کات و ژیان خۆی، خۆبەخشانە ئەرک و پرینسیپەکانی راگەیاندن و رۆژنامەگەری ئەلکترونیک بەجێ بگەیێنێت و نەک هەر لە ناو کانگای کۆمەڵگا بەڵکو لە ناو دڵی خوێنەرانیش جێگەی خۆی بکاتەوە. لە ماوەی دە ساڵ هاوریێەتیم دەگەڵ ماڵپەری گیارەنگ ٣ پرنسیپی نەگۆر دێنە بەرچاو: ماڵپەری گیارەنگ ماڵپەرێکی نەتەوەیی و نیشتمانیە و لە خزمەت پەرەپێدان و پێشخستنی زمان و زانیاری و زانست و بەرژەوەندی باڵای کورد دایە. گیارەنگ ئەمانەتدارە و بە ئەوپەری ئەمانەتەوە بێ سانسۆر و دەستێوەردان بابەتەکان بڵاودەکاتەوە. ماڵپەری گیارەنگ وەک ماڵپەرێکی رەنگین و رەچەشکێن و پێشەنگ دەرگای بۆ هەمو بیر و بۆچونەکان ئاواڵایە.
دامەزراندن و بەرێوەبردن و بەرۆژکردنی ماڵپەری سەربەخۆ و تاکەکەسی لە دەرەوەی کوردستان ئەگەر کارێکی بێوێنە نەبێ، کەم وێنەیە. توانایی و ورەی بەرزی شورشگێری و پێشمەرگانەی کاک حەمەرەسوڵ لە سازکردنی پێگەیێکی پێویست و پیرۆزی راگەیاندنی سەردەمیانە و پردێکی پەیوەندی پان و بەرین جێگای پێزانین و سوپاس و ستایشە. هیوای بەردەوامی و بەروپێشچونی زیاتر بۆ کاک حەمەرەسوڵ و هاوکارانی دەخوازم و ئاواتمە دڵسۆزان و شارەزایانی نیشتمانەکەمان لە دەوڵەمەندکردن و پەرەپێدان و پر ناوەرۆک کردنی ماڵپەری گیارەنگ هاوکار و هاوخەباتی بن.

بە هیوای سەرکەوتنی زیاتر

محەممەد خادمیانی

شەهید پێشەوا قازی محەممەد

شەهید پێشەوا قازی محەممەد
سەرۆک کۆماری کوردستان شەهید پێشەوا قازی محەممەد

شەهید مەلا ئاوارە

شەهید مەلا ئاوارە
لاپەرەی تایبەت بە ژیان و خەباتی کادری تێکۆشەری حیزبی دێموکراتی کوردستان و کەسایەتی کورد شەهید مەلا ئاوارە