"گیاڕه‌نگ"، شاپه‌ڕێکی دره‌وشاوه‌ی ناو جه‌نجاڵستانی ڕۆژنامه‌گه‌ریی ئه‌لکترۆنیی کوردی. ڕێناس جاف
تێپه‌ڕاندنی 10 ساڵ کار و خه‌بات و چالاکیی به‌رده‌وام و بێوچان له‌ناو دونیای ڕۆژنامه‌گه‌ریی ئه‌لکترۆنیی دا ته‌مه‌نێکی که‌م نییه‌ و گه‌ر ئه‌و ئه‌رکه‌ پیرۆزه‌ پشت ئه‌ستوور به‌ خه‌مخۆریی و په‌رۆشیی و دڵسۆزیی به‌رامبه‌ر گه‌ل و نیشتیمان نه‌بووایه‌، زه‌حمه‌ت بوو تا به‌و هه‌موو ساڵانه‌ بڕی کردبا و تاقه‌تی هێنابایه‌.
ساڵیادی ماڵپه‌ڕی گیاڕه‌نگ پیرۆز. برایم زێوەیی
به‌ بۆنه‌ی داگیرسانی مۆمی 11ساڵه‌ی ماڵپه‌ڕی گیاڕه‌نگ ، له‌ ناخی دڵه‌وه‌ ، پیرۆزباییتان پێ ده‌ڵێم و هیوای سه‌رکه‌وتنی هه‌ر چی باشتر بۆ کارگێران و هه‌ڵسووراوانی ماندوویی نه‌ناسی ئه‌م ماڵپه‌ڕه‌ زێده‌ خۆشه‌ویسته‌ و به‌ تایبه‌ت ، هاوڕێی تێکۆشه‌رو ماندوویی نه‌ناس کاک حەمه‌رەسووڵ کەریمی، به‌ ئاوات ده‌خوازم.
مالپەری گیارەنگ تەمەنیک ئەرک و چالاکی لە بواری راگەیاندن. سۆران ئەمینی
ماڵپەری گیارەنگ تەمەنیک ئەرک و چالاکی لە بواری راگەیاندن و خزمەت بە رزگاری گەل ونیشتمان دا رۆلی بەر چاو دەبینی.گیارەنگ ئێستا دوای دە سال تێکۆشان بە هۆی لێهاتوویی بەرێوبەری ماڵپەر و سیاسەتی گشتی، بۆتە بەشێکی دانەبراوی هەموو بنەماڵەیێکی ئازادیخوازی کورد، کە جێی خۆیەتی پر بایخ بوونی
بۆ ماڵپەڕی گیاڕەنگی ماندوونەناس. حەسەن حاتەمی
بەبۆنەی تێپەڕینی دەیەی یەکەمی مۆمی تەمەنی ماڵپەڕی گیارەنگ، چەپکەگۆڵی خۆشەویستی و ڕیز و وەفا بۆ بەڕێز کاک حەمەڕەسووڵ، شلێر خانم و هەموو ئەو کەسانەی ئاسانکاری بۆ بەڕێوەچونی ئەو ماڵپەڕە ماندوونەناسە دەکەن. هاتنە نێو دەیەیەکی دیکەی خزمەتی گیارەنگ
ئاره‌زوومه گیارەنگ ڕاستگۆیانه، بێ لایانانه و باشتر له ڕابردوو ئه‌رکی ڕۆژنامه‌گه‌ری خۆی بەجێ بگەیێنێ. سیروان حەفیدی
خۆشحاڵم که ماوه‌ی ده ساڵ ماندووبوون و شه‌ونخوونی و کوێره‌وه‌ری، له پێناو خه‌باتیڕه‌وشنبیری، سیاسی، کۆمه‌ڵایه‌تی و نیشتمانپه‌روه‌ری، به خۆت و ماڵپه‌ڕهسه‌ر سه‌وزه‌که‌ی گیاڕه‌‌نگ، سه‌رکه‌وتووانه‌ ته‌مه‌نی پڕ له شانازیتان به‌ڕێ کرد.قۆناخی یازده ساڵه‌ی ژیان و تێکۆشانتان ده‌ست پێکرد،
گیارەنگ سایتێکی مولتەزیمە و لە بڵاوکردنەوەی بابەتەکانی دا سنووری دیاری کراوی خۆی هەیە. کوێستان فتووحی
سەرەتا بەبۆنەی 10 ساڵەی تەمەنی پڕلە بەرهەمی سایتی گیاڕەنگ وهەڵکردنی مۆمی 11 ساڵەی تەمەنی، جوانترین پیرۆزبایی لە بەڕێوەبەری ئەو سایتە جوانە، کاک حەمەڕەسووڵی زەحمەتکێش دەکەم، هیوادارم کاک حەمەڕەسووڵ هەر تەمەن درێژ بێ بۆ خزمەتی زیاتر بە کاری رۆژنامەوانی. لە پێوەندیی لەگەڵ خزمەتەکانی گیاڕەنگ‌دا دەبێ بلێم
سوپاس و پێزانینی بەڕیوەبەری ماڵپەری گیارەنگ. حەمەرەسووڵ کەریمی
سەرەتا خۆم بە بەختەوەر دەزانم کە وەک مرۆڤێک لە هەندەران و لە تاراوگە توانیومە ماڵێک و پەنجەریەک بەرەو خۆر، بۆ بەشێک لە کوردان و ئازیزانی ناوخۆی وڵات و دەرەوەی ولات درووست بکەم و لە ڕێگای ئەو لاپەرە ئێلکترۆنی‌یەوە خزمەت بە بواری ڕاگەیاندن و ڕۆژنامەگەری کوردی بدەم و رایەڵکەیەکی بەرین بۆ پەیوەندی گرتنی مرۆڤەکان بە یەکەوە درووست بکەم.
گیاڕەنگ، ١٠ ساڵ بەردەوامی و راستگۆیی! مەریوان نستانی
مێژووی ڕۆژنامەنووسی ئەلیکترۆنی لە دنیادا هێندە کۆن نی‌یە و لە نێو کوردانیش دا بەهەمان شێوە و بەڵکو تازەتریشە، زۆر کەم ماڵپەڕی کوردی هەن، کە بۆ ماوەیەکی ئاوا دورودرێژ و بەردەوام لە خزمەتکردن دابن و لە کار و تێکۆشانیان نەوەستن. یان لانیکەم بەردەوامبن لەسەر رێچکەی خۆیان. شتێکی ئاسایی‌یە ئەگەر گیاڕەنگ هێندێک جاران
گیاڕەنگ ئەو سەرچاوەیەی کە ڕۆژانە بۆ کۆکردنەوەی زانیاری کەڵکی لێ وەردەگرم. ئازاد بانەیی
لە ڕۆژانەی سەرەتای ئاشنا بوونم بە ماڵپەڕی گیاڕەنگ هەموو کات بیرۆکەی ئەوەم لا درووست دەبوو کە تۆ بڵێی ڕۆژێک دا بێت منیش بتوانم ماڵپەڕێکی ئاوام هەبێ و ڕۆژانە هەواڵ و بابەت و نووسینەکانی خۆم و خەڵکانی دیکەشی تێدا بڵاو بکەمەوە؟ پاش چەندین ساڵ لە ماڵپەڕێکی سیاسی دا دەستم بە کار کرد و ڕۆژانە هەواڵ و کارو چالاکی تێدا بڵاو دەکەمەوە.
گیارەنگ زیاتر بەدوای چۆنیەتیدا دەڕوات نەك چەندێتی. هاوار بازیان
گیارەنگ سڵاو! هەمیشە وەك یەكێك لەو پێگە ئینتەرنێتییانەی كوردی سەیرت دەكەم كە لەڕووی بەرپرسیارییەتییەوە هەڵسوكەوت لەگەڵ نووسین و رووداوەكاندا دەكەی. رەنگە لەبارەی رووماڵكردنی هەواڵەكان و خستنە بەرباسی لێشاوی گۆڕانكارییەكانی رۆژانە زۆر بەدەست و كارا نەبی، بەڵام تەواو دڵنیا بوومە لەوەی گیارەنگ

heval ahmediتا پێشمەرگە لە داوێنی چیا سەرکەشەکەی گیارەنگ لە پشوودان دا بوون بۆ خۆ تەیارکردنەوە، ئەو کاتانەش لەسەر لووتەکە دەڵرفێنەکەی وەک هەڵۆی چاو تیژ دەست لە سەر پلاپیتکەی چەکەکانیان بوون، بۆ پارێزگاری نێشتمانەی خۆر، هەواڵی لە خۆبردووییەکانی رۆڵەکانی گیاڕەنگ و گیارەنگەکانی هاڤاڵی هەموو رۆژی وەک

نانی تازەی لە تەندوور دەرهاتووی ئاوایە گیاڕەنگ لە باوش گرتووکانی دەوری گیاڕەنگ، بە شمشاڵی مامەقالە لەسەر قەڵای سەرداری بۆکان را لە ئیزگەی دەنگی کوردستانەوە هەموو نیوەڕوان دەگەیشتە سەر سفرەی هەموو ماڵەکان.

کاتێک رووداوەکانیش هێندە بە خێرایی گێشتنەوە سەرمان و لەبەر پێیاندا دەر نەچووین، هی ئەوڕۆ فریایی گێڕانەوی چیرۆکی دوێنێ نەدەکەوت و رووداوی ئەوڕۆ تەنانت بۆ سەبینێش هەر زۆر کۆن بوون، ئا لەو کات و ساتە تاڵاووکانەدا، لاوە گورجوگوڵەکەی دارستانی بەفر و خۆر، کە کاتی خۆی بێ لە دەست کردنی دەستەوانە پەنچەکانی لەسەر پلاپیتکەتە چەکی پارێزگاری نیشتمان بەشێکیان هەڵوریبوون، بەڵام هێندە شەیدای پلاپیتکەی چەکی شانازی بوو، هەر هەستیشی پێ نەکردبوو تا کاتی بە گۆ هاتنەوی قامکەکان زانیبووی چەند دانەیەکیان کراوەنە نەزی مەملەکەتی سەوزایی.

ئەو قامکانە ئێستاش هەموو ساڵێک بەهاران وەک سەوزاییەکانی دواێنی گیاڕەنگ لە جێی خۆیان قامیش ئاسا سەوز دەبنەوە و دەبنەوە بە شمشاڵەکەی مامە قالە و قامکێکیشیان لەسەر شمشاڵەکە ئاوازی بەرخۆدان لێدەدا و لاوان بۆ شایی سەرکەوتن بانگێشتی داوێنی گیارنگ دەکەن.

خاوەنی ئەو پەنچە بە هێزانە هەر رۆیشت و رۆیشت و وەک دریا قەت قەتیس نەما و رانەوستا ، بە پەنچە ماوەکانی لە دونیای تکنولوژیادا، گیاڕەنگێکی دیکەی بە بوون و بەرامەی گوڵەکانی داوینی گیاڕەنگ بردە هەموو ماڵ و سەر پەنا بێ پەنا و تەنانەت مانگەلە دەسکردەکانی ئاسمانیش.

ئێستا نەک رۆژێ جارێک وەک شمشاڵەکەی قالە مەڕە لە دوازدە و نیوی نیوەڕۆان دا، بگرە هەموو چەرکە ساتێک هەنگەکانی زانیاری دەنێرێتە داوێنی چیای گیاڕەنگ تا لە شەهد و بۆنی گوڵەکانی ئەو چیایە هەواڵ و بابەتی تازەمان بۆ کۆکەنەوە لە گەڕانەوە دا لە کۆشی پڕ لە خۆشەویستی کاک حەمەڕەسووڵی هاوێژن، ئەویش بە پەنچە ماوە متفرک کراوەکانی سەر چاکەی کوردایەتی بۆ هۆگرانی عەوداڵی هەواڵی نیشتمان و دەوروپشت، بیان خاتە سەر پەنجەرەی ماڵپەڕی گیارەنگی خۆشەویست.

لە دە ساڵەی دەست بە کار بوونی گیاڕەنگدا پێرۆز بایی دەکەم لە دۆستی خۆشەویستم کاک حەمەڕەسووڵی کەریمی و هاوکارەکانی لە ماڵپەڕی گیاڕەنگدا و داوای سەرکەوتنی زیاتر و زیاتریان بۆ بە ئاوات دەخوازم .

بە هیوای سەر سەوکەوتن لە خەباتی پیرۆزماندا .

لەگەڵ رێزم دا دڵسووزتان ‌هەڤاڵ ئەحمەدی

{jcomments on}